|
සුදු කොඩි ප්රකාශයට එරෙහි... |
|
|
|
Friday, 30 July 2010 |
සුදු කොඩි ප්රකාශයට එරෙහි නඩුව සැප්තැම්බර් 27 සිට අඛණ්ඩව
සුදු කොඩි ප්රකාශය සම්බන්ධයෙන් අධිචෝදනා ලැබ සිටින ජනරාල් සරත් ෆොන්සේකා මහතාට එරෙහිව පවරන ලද නඩුව සැප්තැම්බර් මස 27 වනදා සිට දිනපතා විභාගයට ගැනීමට මහාධිකරණ ත්රිපුද්ගල විනිසුරු මඩුල්ල ඊයේ තීරණය කළහ.
ආරක්ෂක ලේකම් ගෝඨාභය රාජපක්ෂ මහතා ඇතුළු මෙම නඩුවේ පැමිණිල්ලේ සාක්කිකරුවන් 20 දෙනාට ද සැප්තැම්බර් මස 27 වන දින අධිකරණය හමුවේ පෙනී සිටින ලෙස විනිසුරුවන් නියම කළේය.
එතෙක් විත්තිකරු නාවික හමුදා මූලස්ථානයේ තවදුරටත් රඳවා තබන ලෙසට ද නියම කෙරිණි. මෙම නඩුවට අදාළ අධි චෝදනා පත්ර ද ඊයේ ෆොන්සේකා මහතාට භාරදීමට පියවර ගැනිණි.
මහාධිකරණ විනිසුරුවන් වන දීපාලි විජේසුන්දර (සභාපති), ඩබ්ලිව්.ටී.එම්.පී.බී. වරාවැව හා සුල්ෆික් රශීඩ් යන මහත්ම මහත්මීන්ගෙන් මෙම ත්රිපුද්ගල විනිසුරු මඩුල්ල සමන්විත වේ.
|
